مقبوضہ بیت المقدس – (فلسطین نیوز۔مرکز اطلاعات) اسرائیل اور بھارت سمیت کئی دوسرے ممالک کی سب سےبڑی فضائی مشقیں ایک ہفتہ جاری رہنے کے بعد گذشتہ روز اختتام پذیر ہوگئیں۔ ایک ہفتہ پیشتر شروع ہونے والی جنگی مشقوں میں بھارت، امریکا، یونان، اٹلی، پولینڈ، فرانس اور جرمنی سمیت کئی دوسرے ممالک کے جنگی جہاز اور فضائیہ کے عملہ نے حصہ لیا۔
فلسطین نیوز کو موصول ہونے والی اطلاعات کے مطابق اسرائیلی میڈیا کی رپورٹ میں ’بلیو فلیگ‘ کے عنوان سے جنوبی اسرائیل میں ہونے والی ان مشقوں میں 40 ممالک کےÂ وفود نےشرکت کی۔ یہ اسرائیل کی اپنی نوعیت کی سب سے بڑی فضائی مشقیں ہیں جن میں کم سے کم 100 جنگی طیارے اپنی حربی صلاحیت کا مظاہرہ کریں گے۔عبرانی اخبار ’یدیعوت احرونوت‘ کے مطابق ’سپر ہرکولیس‘ نامی ایک جہاز بھارت سے مشقوں میں حصہ لینے والے 45 رکنی عملے کو لے کر گذشتہ روز تل ابیب پہنچا ہے۔ رپورٹ کے مطابق فضائی مشقوں میں بھارت اور اسرائیل کی شرکت سے دونوں ملکوں کے درمیان دفاعی میدان میں تعاون کو مزید فروغ ملے گا۔