مقبوضہ بیت المقدس (فلسطین نیوز۔مرکز اطلاعات) اسرائیلی صدر روف ریفلین نے حکومت پر زور دیا ہے کہ وہ مقبوضہ مغربی کنارے کے تمام علاقوں پر باضابطہ کنٹرول کے امکانات پر غور شروع کرے۔
فلسطین نیوز کو موصول ہونے والی اطلاعات کے مطابق صدر ریفلین نے کہا کہ ان کا مقصد غرب اردن کے بعض علاقوں پر کنٹرول نہیں بلکہ وہ تمام فلسطینی علاقوں اسرائیلی سیادت کے خواہاں ہیں۔اسرائیلی ڈیموکریٹک انسٹیٹیوٹ میں ایک کانفرنس سے خطاب میں اسرائیلی صدر نے کہا کہ میرا خیال ہے اسرائیلیوں کو غرب اردن کے تمام علاقوں پر اپنی سیادت قائم کرلینی چاہیے۔ غرب اردن کے بعض علاقے نہیں بلکہ میری مراد غرب اردن کے تمام علاقے ہیں۔
انہوں نے مزید کہا کہ جو لوگ علیحدگی کو ترجیح دیتے ہیں وہ اسرائیل کے بہ طور یہودی جمہوری ریاست کے تصور کو تقویت دے رہے ہیں۔ اسرائیل کو اپنے حدود کے اندر رہتے ہوئے اپنے دفاع کے لیے تمام اقدامات کا حق حاصل ہے۔ اگر غرب اردن پر اسرائیلی سیادت قائم ہوتی ہے تو وہاں بسنے والے تمام باشندوں کو مساوی حقوق کا درجہ مل سکتا ہے۔