مقبوضہ بیت المقدس – (فلسطین نیوز۔مرکز اطلاعات) اسرائیلی وزیراعظم بنجمن نیتن یاھو نے دعویٰ کیا ہے کہ خفیہ ادارے’شاباک‘ اور دوسرے سیکیورٹی اداروں نے مشترکہ کارروائیوں کے دوران جولائی اور اگست کے مہینوں میں اسرائیلی اھداف اور تنصیبات پر حملوں کی منصوبہ بندی کرنے والے 70 فلسطینی سیل ختم کرنے کا دعویٰ کیا ہے۔
فلسطین نیوز کو موصول ہونے والی اطلاعات کے مطابق لاطینی امریکا کے دورے Â پر روانگی سے قبل تل ابیب میں ہوائی اڈے پر صحافیوں سے بات چیت کرتے ہوئے نیتن یاھو نے کہا کہ ہمیں ’شاباک‘ اور دوسرے سیکیورٹی اداروں کا شکر گذار ہونا چاہیے جن کی کوششوں سے اسرائیل کے خلاف سرگرم 70 خطرناک مزاحمتی سیل بے نقاب کرنے کے بعد تلف کیے گئے ہیں۔
لاطینی امریکا کے دورے کی اہمیت کے بارے میں پوچھے گئے ایک سوال کے جواب میں نیتن یاھو نے کہا کہ ان کا یہ اس خطےکا پہلا دورہ ہے۔ یہ دورہ لاطینی امریکا اور اسرائیل کے درمیان تعلقات کے فروغ کا ایک نیا باب ثابت ہوگا۔