مقبوضہ بیت المقدس – (فلسطین نیوز۔مرکز اطلاعات) اسرائیلی ذرائع ابلاغ کے مطابق امریکا سے دو ’ایف 35‘ جنگی جہاز آج جمعہ کو اسرائیل پہنچ رہے ہیں۔
فلسطین نیوز کو موصول ہونے والی اطلاعات کے مطابق ان دونوں جنگی طیاروں کو دو ہفتے قبل اسرائیل پہنچنا تھا مگر کارخانے میں پیدا ہونے والی فنی خرابی کے باعث انہیں روک دیا گیا تھا۔رواں سال کے آخر تک اسرائیل کے فضائی جنگی بیڑے میں مزید دو ’ایف 35‘ جنگی جہاز شامل کیے جائیں گے۔
اسرائیل اور امریکا کے درمیان طے پائے دفاعی معاہدے کے تحت صہیونی ریاست کو اس ماڈل کے 50 طیاروں کی فراہمی کا وعدہ کیا گیا ہے۔ توقع ہے کہ دو طیارے آج جمعہ کو اسرائیل پہنچ جائیں گے۔