فلسطین نیوز کو موصول ہونے والی اطلاعات کے مطابق حماس کے ترجمان حازم قاسم نے ایک بیان میں کہا کہ Â ان کی جماعت سلامتی کونسل کی اسرائیلی بستیوں کے خلاف قرارداد کا خیر مقدم کرتی ہے۔ فلسطین میں اسرائیل کے ناجائز قبضے کے خلاف یہ قرارداد اہم پیش رفت ہے مگر صرف قرارداد کی منظوری سے مسائل حل نہیں ہوسکتے۔ قرارداد منظور کرنے کے بعد اس کی روح کے مطابق عملی اقدامات بھی ناگزیر ہیں۔
حماس کے ترجمان کا کہنا تھا کہ صہیونی ریاست ایک خوفناک Â اژدھا ہے جو ارض فلسطین کو مسلسل نگل رہا ہے۔ عالمی برادری کو فلسطینمیں یہودی توسیع پسندی کے ظالمانہ اقدامات کو ہرصورت میں روکنا ہوگا۔
خیال رہے کہ گذشتہ جمعہ کو سلامتی کونسل میں پیش کی گئی قرارداد پر رائے شماری کی گئی تھی۔ اس قرارداد میں اسرائیل سے فلسطین میں یہودی بستیوں کی تعمیر روکنے کا مطالبہ کیا گیا تھا۔ امریکا نے اگرچہ رائے شماری میں حصہ نہیں لیا مگر اس بار اسرائیل مخالف قرارداد کو ویٹو بھی نہیں کیا ہے۔ امریکا کے نو منتخب صدر ڈونلڈ ٹرمپ نے اس قرارداد کی بڑھ چڑھ کر مخالفت کی ہے اور کہا ہے کہ 20 جنوری 2017ء کو اقتدار سنھبالنے کے بعد حالات تبدیل ہوجائیں گے۔