غزہ – (فلسطین نیوز۔مرکز اطلاعات) فلسطین کے علاقے غزہ کی پٹی میں اسلامی تحریک مزاحمت ’حماس‘ کے عسکری ونگ القسام بریگیڈ کے دو کارکن سرنگ کے حادثے میں جام شہادت نوش کرگئے۔
فلسطین نیوز کو موصول ہونے والی اطلاعات کے مطابق القسام بریگیڈ کی طرف سے موصول ایک بیان میں بتایا گیا ہے کہ گذشتہ روز غزہ کے علاقے رضوان کالونی سرنگ کے دو حادثات میں 32 سالہ خلیل باسم خلیل الدمیاطی اور 21 سالہ ابو عابد شہید ہوگئے۔فلسطینی محکمہ صحت کے ترجمان کے مطابق دونوں کارکنوں کو شدید زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئے جام شہادت نوش کرگئے۔
القسام بریگیڈ نے سرنگ حادثے میں اپنے کارکان کی شہادت پر افسوس کا اظہار کرتے ہوئے شہداء کے بلندی درجات اور لواحقین کے لیے صبر جمیل کی دعا کی ہے۔
بیان میں کہا گیا ہے کہ القسام کارکان اپنی جانوں پرکھیل کر دشمن کے خلاف قوم کے دفاع کے لیے اپنا مشن جاری رکھیں گے۔
القسام بریگیڈ کے دونوں شہید کارکنوں کو آج جمعہ کو سپرد خاک کیا جائے گا۔