غزہ – (فلسطین نیوز۔مرکز اطلاعات) فلسطین کے علاقے غزہ کی پٹی میں جہادی تربیت کے دوران اسلامی جہاد کے Â عسکری ونگ القدس بریگیڈ کے ایک کارکن غلطی سے گولی لگنے سے جام شہادت نوش کرگیا۔
فلسطین نیوز کو موصول ہونے والی اطلاعات کے مطابق سرایا القدس کی جانب سے جاری کردہ ایک بیان میں کہا گیا ہے کہ گذشتہ روز عسکری تربیت کے دوران 25 سالہ صامد صلاح حجاج غلطی سے چلنے والی گولی کا نشانہ بنا۔ گولی اس کے سرمیں لگی جس کے نتیجے میں وہ شدید زخمی ہوا۔ اسپتال منتقل کرنے پر وہ زخموں کی تاب نہ لاتے ہوئے دم توڑ گیا۔
بیان کے مطابق یہ واقعہ سوموار کو الشجاعیہ کے علاقے میں ایک تربیتی کیمپ میں پیش آیا۔
القدس بریگیڈ نے مجاھد کارکن کی شہادت پر افسوس کا اظہار کرتے ہوئے Â اسے راہ حق اور جہاد آزادی فلسطین کا شہید قرار دیا۔ بیان میں کہا گیا ہے کہ اسلامی جہاد اور اس کا عسکری ونگ تحریک آزادی کے لیے عسکری تربیت اور جہاد کی ٹریننگ جاری رکھیں گے۔