غزہ – (فلسطین نیوز۔مرکز اطلاعات) فلسطینی ماہر آثار قدیمہ نے غزہ کی پٹی کے علاقے میں کھدائیوں کےدوران فلسطین میں برونز دور کی مٹی کی ایک دیگ دریافت کی ہے۔ 3500 سال قبل مسیح کی اس دیگ کو آج پانچ ہزار سال کا عرصہ گذر چکا ہے۔
فلسطین نیوز کو موصول ہونے والی اطلاعات کے مطابق مٹی کا یہ برتن غزہ کی پٹی کے وسطی علاقے تل السکن سے کھدائیوں کے دوران ملا ہے۔
وزارت سیاحت وآثار قدیمہ کا کہنا ہے کہ تل السکن سے ملنے والی دیگ کنعانی دور میں شہروں میں روزہ کے استعمال کے برتنوں کا حصہ تھی اور لوگ اس میں پانی اور دیگر چیزیں محفوظ کرتے تھے۔
پانچ ہزار سال پرانی دیگ کا منہ کافی کھلا اور پیندا بہت پتلا ہے۔ اس کے وسط میں ایک جوڑ موجود ہے۔ یہ 24 سینٹی میٹر اونچی، 26 سینٹی میٹر لمبی ہے جب کہ اس کے دھڑ کا قطر 13 سینی میٹر ہے۔
اس دیگ سے ملتے جلتے برتن کنعانی دور میں بھی پائے جاتے تھے جن کی باقیات آج بھی فلسطین میں عجائب گھروں میں موجود ہیں۔