غزہ – (فلسطین نیوز۔مرکز اطلاعات) فلسطین کے علاقے غزہ کی پٹی کے متعدد اہداف پر اسرائیلی فوج کے جنگی طیاروں نے بمباری کی ہے جس کے نیتجے میں متعدد مکانات کو نقصان پہنچا ہے۔
فلسطین نیوز کو موصول ہونے والی اطلاعات کے مطابق بدھ اور جمعرات کی درمیانی شب اسرائیلی فوج کے جنگی طیاروں نے وسطی اور مشرقی غزہ میں متعدد مقامات پر میزائل برسائے۔رپورٹ کے مطابق وسطی غزہ میں دیر البلح کے مغرب میں ایک مزاحمتی کیمپ پر اسرائیلی فوج نے دو میزائل داغے جس کے نتیجے میں کمپاؤنڈ کو نقصان پہنچا۔
ادھر مشرقی غزہ میں ایف 16 جنگی طیاروں سے دو میزائل داغے گئے۔
عینی شاہدین کا کہنا ہے کہ مشرقی غزہ کی پٹی میں اسرائیلی جنگی طیاروں کی وحشیانہ بمباری کے نتیجے میں بجلی کے کھمبے گرگئے اور الشجاعیہ اور اس کے اطراف میں علاقہ اندھیرے میں ڈوب گیا۔