غزہ – (فلسطین نیوز۔مرکز اطلاعات) فلسطینی تنظیم اسلامی جہاد کے عسکری ونگ القدس بریگیڈ کے ایک نوجوان کارکن کو نامعلوم افراد کی طرف سے فائرنگ میں قتل کردیا گیا۔
فلسطین نیوز کو موصول ہونے والی اطلاعات کے مطابق اسلامی جہاد کی طرف سے جاری کردہ ایک بیان میں کہا گیا ہے کہ القدس بریگیڈ کا نوجوان کارکن 28 سالہ صبحی جلا زیتون کالونی میں اپنے گھر کی چھت اپنے اہل خانہ کے درمیان بیٹھا تھا کہ اس دوران نامعلوم شخص کی طرف سے کی گئی فائرنگ کی ایک گولی صبحی کو آلگی جس کے نتیجے میں وہ شدید زخمی ہوگیا۔ اسے اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔سرایا القدس اور اسلامی جہاد نے اپنے کارکن کے پراسرار قتل پر افسوس کا اظہار کیا ہے۔ دوسری جانب غزہ میں سیکیورٹی حکام صبحی جلال کے قتل کے واقعے کی تحقیقات شروع کردی ہیں۔