غزہ – (فلسطین نیوز۔مرکز اطلاعات) مصری حکام کی طرف سے اجازت ملنے کے بعد کل سوموار کو ایندھن سے لدے 13 Â آئل ٹینکر فلسطین کے علاقے غزہ کی پٹی میں داخل ہوئے۔ مصر سے لایا جانے والا ایندھن غزہ کی پٹی میں بجلی پیدا کرنے کے لیے نصب پلانٹ میں بجلی کی پیداوار کے لیے استعمال کیا جائے گا۔
فلسطین نیوز کو موصول ہونے والی اطلاعات کے مطابق فلسطینی وزارت داخلہ و نیشنل سیکیورٹی بورڈ کی جانب سے جاری کردہ ایک بیان میں کہا گیا ہے کہ مصر سے ایندھن سے لدے تیرہ آئل ٹینکر گذشتہ شام غزہ پہنچے۔
ان آئل ٹینکروں کے لیے غزہ کی بین الاقوامی گذرگاہ رفح خصوصی طور پر کھولی گئی تھی۔
مصر کی جانب سے غزہ کی پٹی کو ایک ایسے وقت میں ایندھن فراہم کیا گیا ہے جب غزہ میں اسلامی تحریک مزاحمت ’حماس‘ کے سیاسی شعبے کے سینیر رکن روحی مشتہی کی قیادت میں ایک تکنیکی وفد قاہرہ کے دورے پر ہے۔ اس دورے کا مقصد غزہ اور مصر کے درمیان حالیہ مذاکراتی ادوار میں طے پائے امور کو حتمی شکل دینا ہے۔