ویٹی کن سٹی(روزنامہ قدس ـ آنلائن خبر رساں ادارہ) کیتھولک مسیحیوں کے مذہبی پیشوا پوپ لیو نے فلسطینی ریاست کے فوری قیام پر زور دیتے ہوئے کہا ہے کہ مسئلہ فلسطین کے منصفانہ اور دیرپا حل ضروری ہے۔
غیرملکی خبررساں ادارے کے مطابق پوپ لیو نے مغربی کنارے میں فلسطینیوں کے خلاف جاری تشدد فوری طور پر ختم کرنے کی اپیل کرتے ہوئے فلسطینی شہری آبادی کے خلاف تشدد پر گہری تشویش کا اظہار کیا ہے۔انہوں نے عالمی برادری پر زور دیا کہ فلسطینیوں کے لیے دیرپا امن کے قیام کی کوششیں تیز کی جائیں اور مغربی کنارے میں جاری تشدد کے خاتمے کے لیے مثر کردار ادا کیا جائے۔
