پاکستان کا غزہ میں فلسطینیوں کے خلاف جاری صورتحال پر شدید تشویش کا اظہار

نیو یارک – (روزنامہ قدس ـ آنلائن خبر رساں ادارہ) پاکستان نے مقبوضہ مغربی کنارے کی صورتحال پر اظہار تشویش کرتے ہوئے فلسطینیوں کو تحفظ فراہم کرنے کا مطالبہ کیا ہے۔

اقوام متحدہ میں پاکستان کے مستقل مندوب عاصم افتخار نے خطاب کرتے ہوئے کہا کہ مقبوضہ مغربی کنارے کی صورتحال تیزی سے بگڑ رہی ہے، سلامتی کونسل کو فوری اقدام کرنا ہوگا۔

عاصم افتخار نے کہا کہ اسرائیل کے غیر قانونی اقدامات کا مقصد قبضے کو مستحکم کرنا ہے، قابض اسرائیل کی آبادکاری میں توسیع تشویشناک حد تک پہنچ چکی ہے، دیگر علاقوں میں آباد کاری فلسطینی سرزمین کو تقسیم کرنے کی کوشش ہے۔

پاکستانی مندوب کا کہنا تھا کہ آبادکاروں کا تشدد فوری بند اور ذمہ داروں کو جوابدہ ٹھہرایا جائے، مسجد اقصیٰ میں اشتعال انگیز کارروائیوں پر پاکستان کو شدید تشویش ہے، فلسطینیوں کو بین الاقوامی تحفظ فراہم کیا جائے۔

انہوں نے خطاب کرتے ہوئے مزید کہا کہ سلامتی کونسل یونیسیف کی سفارشات پر عملدر آمد کرے۔