غزہ – (روزنامہ قدس ـ آنلائن خبر رساں ادارہ) قابض اسرائیلی حکام نے غزہ کی پٹی سے تعلق رکھنے والے متعدد فلسطینی اسیران کو رہا کر دیا ہے۔
بین الاقوامی کمیٹی برائے ریڈ کراس نے اطلاع دی ہے کہ اس نے غزہ کی پٹی سے تعلق رکھنے والے 15 اسیران کو اپنی تحویل میں لیا ہے جنہیں وسطی غزہ میں واقع شہداء الاقصیٰ ہسپتال منتقل کر دیا گیا ہے۔
کمیٹی نے واضح کیا کہ رہائی کا یہ عمل جنوبی غزہ کی پٹی میں واقع کرم ابو سالم کراسنگ کے ذریعے مکمل ہوا ہے۔
واضح رہے کہ قابض اسرائیلی فوج نے دو سال سے زائد عرصے سے جاری نسل کشی کی جنگ کے دوران غزہ کی پٹی کے سینکڑوں شہریوں کو اغوا کر کے حراست میں لیا تھا، جبکہ دوسری جانب غزہ اور اس کے باسیوں پر سخت ترین محاصرہ اور ناکہ بندی اب بھی جاری ہے۔
اسی تناظر میں ادارہ برائے امور اسیران نے اشارہ کیا ہے کہ اپریل سنہ 2026ء کے آغاز تک قابض صہیونی عقوبت خانوں میں قید فلسطینی اور عرب اسیران کی مجموعی تعداد 9600 سے تجاوز کر چکی ہے۔
ادارے نے مزید وضاحت کی کہ قابض دشمن کے ہاں غیر قانونی جنگجوؤں کے زمرے میں درجہ بند کیے گئے اسیران کی تعداد 1251 تک پہنچ گئی ہے جن میں سے اکثریت کا تعلق غزہ کی پٹی سے ہے، اور اس تعداد میں وہ فلسطینی شامل نہیں ہیں جو تاحال فوجی کیمپوں میں قید ہیں۔
