دوحہ – (روزنامہ قدس ـ آنلائن خبر رساں ادارہ) اسلامی تحریک مزاحمت ’حماس‘ کے سیاسی بیورو کے رکن باسم نعیم نے کہا ہے کہ غزہ کی پٹی میں فلسطینی عوام نے آج ثابت کر دیا ہے کہ ان کا قومی شعور اور سیاسی بصیرت اس قدر پختہ اور گہری ہے کہ کوئی بھی احمق انہیں مشکوک ایجنڈوں کے لیے استعمال نہیں کر سکتا۔
باسم نعیم نے جمعہ کے روز اپنے ایک بیان میں کہا کہ "اس عظیم فلسطینی عوام کے لیے تمام تر احترام اور تعریف جنہوں نے نسل کشی کے دو سالہ مصائب کے باوجود یہ صلاحیت برقرار رکھی ہے کہ وہ کھوٹے اور کھرے میں فرق کر سکیں اور اپنا رخ اپنے اصل اور مرکزی دشمن کی طرف رکھیں۔”
واضح رہے کہ غزہ کے دھڑوں اور قبائل نے ان مشکوک کالز کے خلاف خبردار کیا تھا جنہیں قابض اسرائیل اور اس کے مخبروں کی حمایت حاصل ہے، جن کا مقصد غزہ کی پٹی میں افراتفری پھیلانا اور مزاحمتی گروہوں کو نشانہ بنانا ہے۔
