غزہ – (روزنامہ قدس ـ آنلائن خبر رساں ادارہ) اسلامی مزاحمتی تحریک ”حماس“ نے الزام عاید کیا ہےکہ قابض صیہونی دشمن غزہ شہر میں پناہ گزینوں اور مکینوں سے بھری ” السعادہ بلڈنگ“ کے گرنے کا ذمہ دار ہے۔ غزہ میں ایسی تقریباً دو ہزار خستہ حال اور آبادی سے آباد عمارتیں موجود ہیں جو کسی بھی وقت گرسکتی ہیں۔
ایک پریس بیان میں کہا کہ عمارت کا انہدام جنگ کے تباہ کن انسانی اثرات کا ایک نیا باب ہے۔ گھروں اور رہائشی محلوں کو پہنچنے والی وسیع تباہی نے ہزاروں فلسطینیوں کو پناہ کی تلاش میں تباہ شدہ اور گرنے کے قریب عمارتوں میں پناہ لینے پر مجبور کر دیا۔
”حماس“ نے خبردار کیا کہ ملبہ ہٹانے کی مشینری اور بچاؤ کے آلات کی شدید کمی مزید جانیں ضائع ہونے کا خطرہ پیدا کر رہی ہے،۔ جماعت نے فوری طور پر بھاری مشینری اور شہری دفاع کے آلات اندر داخل کرنے کا مطالبہ کیا، تاکہ بچاؤ ٹیمیں ملبے کے نیچے پھنسے ہوئے افراد تک پہنچ سکیں۔
اس نے شہری دفاع کے اس اعلان کی طرف اشارہ کیا کہ تقریباً دو ہزار خستہ حال، آبادی سےبھرپور منہدم ہونے کے خطرے سے دوچار عمارتیں موجود ہیں۔ انہوں نے اس بات پر زو ریا کہ محفوظ رہائش گاہوں کی عدم موجودگی میں لوگوں کا ان میں رہنا جاری رکھنا جنگ اور وسیع تباہی کے نتیجے میں پیدا ہونے والے انسانی خطرات کو مزید سنگین بنا دیتا ہے۔
حماس نے ثالثوں، امریکی انتظامیہ اور متعلقہ بین الاقوامی فریقوں سے فوری کارروائی کرنے کا مطالبہ کیا تاکہ بچاؤ کے آلات اور ضروری مشینری کے داخلے میں حائل پابندیوں کو ہٹایا جا سکے، اپنے گھروں سے محروم ہونے والے پناہ گزینوں کے لیے محفوظ رہائش کی فراہمی کے لیے کام کیا جا سکے۔
اس بات کی تصدیق کی گئی کہ اس کی قیادت نے پہلے ہی ثالثوں اور بین الاقوامی فریقوں کے ساتھ اپنے رابطوں کے دوران غزہ میں جنگ کے انسانی اثرات سے نمٹنے کے لیے فوری کارروائی کا مطالبہ کیا تھا۔
” السعادہ بلڈنگ“ نصف شب کے بعد غزہ شہر کے مغرب میں واقع صنعتی علاقے میں منہدم ہو گئی تھی، جبکہ شہری دفاع کی ٹیموں نے آج فجر سے لے کر اب تک چھ بچوں سمیت بیس شہداء کی لاشیں نکال لی ہیں، جبکہ درجنوں افراد ابھی تک ملبے کے نیچے لاپتہ ہیں۔
یہ حادثہ غزہ میں رہائشی عمارتوں اور تنصیبات کو پہنچنے والی وسیع تباہی کے تناظر میں پیش آیا ہے، جس کی وجہ سے پناہ گزینوں کے لیے دستیاب رہائش کی جگہیں کم ہو گئی ہیں، اور ان میں سے ایک تعداد خطرے کے باوجود تباہ شدہ عمارتوں میں رہنے پر مجبور ہو گئی ہے، جبکہ شہری دفاع کی ٹیموں کو تباہی کے مقامات تک پہنچنے اور ملبہ ہٹانے میں شدید مشکلات کا سامنا ہے۔
