(روزنامہ قدس ـ آنلائن خبر رساں ادارہ) بین الاقوامی فوجداری عدالت نے پانچ قابض اسرائیلی حکام کے خلاف خفیہ وارنٹ گرفتاری جاری کر دیے ہیں۔ اتوار کے روز عبرانی اخبار ‘ہاآرٹز’ نے ایک سفارتی ذریعے کے حوالے سے یہ اہم معلومات فراہم کی ہیں۔
اخبار کے مطابق ان وارنٹس میں تین قابض اسرائیلی سیاست دانوں اور دو فوجی حکام کو نشانہ بنایا گیا ہے تاہم ابھی تک یہ واضح نہیں ہو سکا کہ یہ وارنٹ باضابطہ طور پر کب جاری کیے گئے تھے۔
اس سے قبل بھی عدالت نے نومبر سنہ 2024ء میں غاصب صہیونی حکومت کے وزیر اعظم بنجمن نیتن یاھو اور سابق وزیر جنگ یوآو گیلنٹ کے خلاف گرفتاری کے وارنٹ جاری کیے تھے۔
ان وارنٹس کا جاری ہونا اس نسل کشی کے پس منظر میں سامنے آیا ہے جو قابض اسرائیل سنہ 2023ء کے اکتوبر سے غزہ کی پٹی میں فلسطینیوں کے خلاف مسلسل برپا کر رہا ہے، جس کے نتیجے میں اب تک وہاں کی 10 فیصد سے زائد آبادی شہید اور زخمی ہو چکی ہے۔
