(روز نامہ قدس ۔آنلائن خبر رساں ادارہ )قابض صہیونی فوج کی جانب سےفلسطینیوں کے گھروں پر چھاپے مارنے کا سلسلہ جاری،بیت الخلیل قصبے پر دھاوا بول دیا،شہریوں سے جھڑپوں کے دوران آنسو گیس کی فائرنگ سے متعدد شہریوں کی حالت نازک ہوگئی۔
تفصیلات کے مطابق گزشتہ رو ز قابض اسرائیلی فوج نے الخلیل کے شمال میں بیت خلیل نامی قصبے پرہلہ بول دیا ، گھروں پر چھاپے مارے اور مقامی نوجوانوں پر تشدد کیا۔
مقامی ذرائع کا کہنا ہے کہ اسرائیلی فوجیوں کی بھاری نفری نے ایک مرتبہ پھر العصافرہ خاندان ست تعلق رکھنے والے دو قیدیوں کے گھروں پر چھاپہ مارا جن پر حال ہی میں مقبوضہ مغربی کنارے کے جنوب میں عتصمون صہیونی بستی میں اسرائیلی فوجی کے قتل کا الزام ہے۔
اس دوران قابض فوج کے ساتھ جھڑپوں کے دوران متعدد شہریوں کوآنسوگیس کی وجہ سے سانس لینے میں مشکلات کا سامنا کرنا پڑا۔
یاد رہے کہ کچھ دن پہلے صہیونی فوج نے العصافرہ کے گھر پر ہلہ بولا تھا اور اسے مسمار کرنے کی منصوبہ بندی کی تھی ۔