(روزنامہ قدس ۔آن لائن خبر رساں ادارہ) پاپولر فرنٹ نے کہا ہے کہ عرب اقوام نے کھل کر امریکی صدر کے دورے کو مسترد کردیاہےاور اس کے خلاف احتجاج جاری ہے، تاہم بعض سامراجی حکمران امریکا کے ساتھ اتحاد کرکے اسرائیل کو تحفظ دینے کی کوشش کررہے ہیں۔
تفصیلات کے مطابق فلسطینی تنظیم پاپولر فرنٹ فار دی لبریشن آف فلسطین کی جانب سے جاری کردہ ایک بیان کے مطابق امریکہ کے صدر جو بائیڈن کا خطے کا دورہ فلسطین کی سرزمین پر جہادیوں کی موجودگی اوران کے مستقبل کے خلاف بڑھتے ہوئے دشمن کے حملے کا حصہ قرار دیا گیا ہے۔
یہ بھی پڑھیے
جوبائیڈن کا دورہ اسرائیل: سعودیہ سمیت مشرق وسطیٰ میں مشترکہ منڈی کےقیام کی کوشش
پاپولر فرنٹ تنظیم کے سیاسی شعبے کے سربراہ نے جوبائیڈن کے دورے میں سعودی عرب کے حکمرانوں سے ملاقات کو اسرائیل کے تحفظ کی کوشش قرار دیتے ہوئے کہا ہے کہ عرب اقوام نے کھل کر امریکی صدر کے دورہ مشرق وسطیٰ کو مسترد کردیاہےاور اس کے خلاف احتجاج جاری ہے تاہم بعض سامراجی حکمران امریکا کے ساتھ اتحاد کرکے اسرائیل کو تحفظ دینے کی کوشش کررہے ہیں۔
انہوں نے عرب خطے کے تمام آزاد لوگوں سے اپیل کی ہے کہ وہ کھل کے امریکی صدر کے دورے کی مخالفت کریں جو صرف فلسطینی احتجاج اور تحریک آزادی فلسطین کی آواز کو دبانے کا باعث بنے گا، اس کے ساتھ ساتھ جوبائیڈن کی آمد سے فلسطینیوں کو کوئی فائدہ نہیں بلکہ اس دورے میں ہمارے فلسطینی عوام، ہمارے عرب ممالک اور ہمارے وجود کے خلاف صیہونی ریاست کی جنگ کے لیے نئی مالی اور ہتھیاروں کی مدد کی منظوری دی جائے گی۔