روز نامہ قدس ۔آنلائن خبر رساں ادارہ )قابض یہودی آباد کاروں کی جانب سے مسجد اقصی کی بے حرمتی کرنےکا سلسلہ رک نہ سکا۔گزشتہ روز پیر کو79 کے قریب یہودی آباد کار مسجد میں گھس آئے اور مسجد کے احاطے میں دندناتے رہے۔
تفصیلات کے مطابق اسرائیلی آباد کاروں کی جانب سے مسجد اقصی کی بے حرمتی کا سلسلہ جاری ہے۔گزشتہ روز بھی 79 یہودی آباد کار صہیونی فوج اور پولیس کی سرپرستی میں مسجد کے احاطے میں داخل ہو گئے اور مسجد کا تقدس پامال کرتے رہے،انکے ہمراہ 45 اسرائیلی خفیہ اہلکار بھی شامل تھے۔
ذرائع کے مطابق یہودی آباد کاروں کی آمد کے فوری بعد مسجد اقصی کے متولی اور گارڈذ فوری طور پر مسجد میں پھیل گئے تاکہ یہودی آباد کاروں کو کسی بھی قسم کی شر انگیزی سے روکا جا سکےتاہم روکے جانے کے باوجود یہودی آباد کاروں نے مذہبی رسومات کی ادائیگی کی۔
یاد رہے کہ مذہبی عبادات کی آڑ میں مسجد اقصی پر آئے روز دھاوا بولنا اور اس کاتقدس پامال کرنا یہودی آباد کاروں کا وطیرہ بن چکا ہے او ر اسرائیلی فوج ان کی مکمل سرپرستی کے لیے ان کے ہمراہ موجود ہوتی ہے۔
اسرائیلی آباد کاروں کے مسجد پر دھاوے کے وقت وہاں موجود مسلمان عبادت گزاروں کو سیکورٹی کے نام پر شدید حراساں کیا جاتاہے اور انکو ایک جگہ پر محصور کردیا جاتا ہے ااور جب تک یہودی آباد کار مسجد میں موجود رہتے ہیں،مسلمان عبادت گزاروں کو اپنی جگہ سے ہلنے تک کی اجازت نہیں ہوتی۔