(روز نامہ قدس ۔آنلائن خبر رساں ادارہ ) جمعرات کی شام یہودی آباد کاروں کامقبوضہ بیت المقدس کے آثارقدیمہ پر دھاوا، مذہبی رسومات کی ادائیگی کی آڑ میں مسلمانوں کے خلاف اشتعال انگیز نعرے بازی بھی کی ۔
تفصیلات کے مطابق جمعرات کی شام یہودی آبادکاروں کی بڑی تعداد نے صیہونی پولیس کے حفاظتی حصار میں مقبوضہ بیت المقدس کے مختلف آثارقدیمہ کے علاقوں جن میں حجازریلوے اسٹیشن جو خلافت عثمانیہ میں تعمیر کیا گیا تھا پر دھاوا بولا اور مذہبی رسومات کی ادائیگی کی ، مذہبی رسومات کے بعد اسلام مخالف اشتعال انگیز نعرے بازی کی ۔
مقامی فلسطینیوں نے کہا ہے کہ یہودی آبادکاروں کی جانب سے مسلمانوں کے علاقوں میں روزانہ کی بنیاد پر دھاوے بیت المقدس کے علاقوں پر اپناکنٹرول حاصل کرنے کی کوششیں ہیں ۔
واضح رہے کہ یہودی آباد کاررصیہونی پولیس اور فوج کے حفاظتی حصار میں وزانہ کی بنیاد پر مسجد اقصیٰ سمیت مقبوضہ بیت المقدس کے مختلف علاقوں میں حملے کرتے ہیں مسلمانوں کے مقدس مقامات کی بے حرمتی کرتے ہیں جبکہ گزشتہ روز صیہونی فو ج نے تاریخی مسجد ابراہیمی کو بھی مسلمانوں سے خالی کراکر یہودی آبادکاروں کو اس کی بے حرمتی کی اجازت دی تھی