(روز نامہ قدس ۔آنلائن خبر رساں ادارہ )علی الصبح بیت المقدس کےمختلف علاقوں میں صیہونی فوج کی کارروائیاں، گھرگھر تلاشی کے دوران 4 بچوں سمیت 18فلسطینیوں کوگرفتارکرلیا۔
تفصیلات کے مطابق صیہونی فوج نے قلقیلیہ اور جبل المکبر سمیت بیت المقدس کے دیگرمختلف علاقوں میں کارروائی کرتے ہوئےبچوں 4 بچھوں سمیت18فلسطینیوں کوگرفتارکرلیا۔ گرفتار فلسطینیوں میں بارہ سالہ احمد النوق، سترہ سالہ محمد الکوردی، عمر الباوی اور 18 سالہ نائل ابوزیاد بھی شامل ہیں۔
اس سے ایک روز قبل بدھ کی رات قابض اسرائیلی فوجیوں نے الخلیل کے جنوبی علاقے میں فٹبال کھیلنے والے فلسطینی بچوں کے ایک گروپ کو زدوکوب کیا اور اغواء کرنے کی کوشش کی جس کو موقع پر موجود فلسطینی بزرگ اور دیگر علاقہ مکینوں نے مزاحمت کرکے ناکام بنایا۔
موقع پر موجود ایک شہری نے بتایا کہ فلسطینیوں کی مزاحمت کے بعد صیہونی فوجیوں نے فلسطینیوں کی دوکانوں میں توڑپھوڑ کی