(روز نامہ قدس ۔آنلائن خبر رساں ادارہ )اسرائیلی وزیر اعظم نے ایران کے یورینئم کی پیداوار میں اضافے کے اعلان کو خطرناک قرار دے دیا۔
گزشتہ دنوں ایران کے اس اعلان پر کے اگر اسکے ساتھ برتا جانے والا امتیازی سلوک ختم نہ کیا گیا تو وہ دوبارہ یورینیم کی افزودگی شروع کردے گا پر اسرائیلی وزیراعظم بنجامین نیتین یاہو نے شدید ردعمل ظاہر کرتے ہوئے یورپ سے مطالبہ کیا ہے کہ وہ فوری طور پر ایران پر مزید سخت پابندیاں عائد کرے۔
غیرملکی خبررساں ادارے کے مطابق انہوں نے کہا کہ ایران کا یہ قدم انتہائی خطرناک ہوگا،اور تمام عالمی برادری کو دنیا کو محفوظ بنانے کے لیے اس کو نوٹس لینا ہوگا۔
غیرملکی خبررساں ادارے کے مطابق انہوں نے کہا کہ ایران کا یہ قدم انتہائی خطرناک ہوگا،اور تمام عالمی برادری کو دنیا کو محفوظ بنانے کے لیے اس کو نوٹس لینا ہوگا۔
انکا یہ بھی کہنا تھا کہ اگر ایران نے ایسا کیا تو یہ اقوام متحدہ کے تحت کیے گئے معاہدے کی خلاف ورزی ہوگی۔ یاد رہے کہ گزشتہ دنوں ایران کی اعلی قیادت نے کہا تھا کہ اگر امریکہ نے 2015 کے جوہری معاہدے کی پاسداری نہیں کی تو ایران کے پاس یورینیم کی مزید افزودگی کے سوا کوئی راستہ نہیں رہے گا۔