(روز نامہ قدس ۔آنلائن خبر رساں ادارہ )قابض اسرائیلی فوج کا بیت المقدس میں ہونے والے اسپورٹس فیسٹول پر دھاوا،میلے میں استعمال ہونے والے سامان کی توڑپھوڑ کی اور میلے میں شریک ہونے والے کھلاڑیوں کو تحویل میں لے لیا۔
تفصیلات کے مطابق گزشتہ روز اسرائیلی فوج نے بیت المقدس میں قائم برج ال لقلق اسٹیڈیم میں اس وقت دھاوا بول دیا جب وہاں مقامی طور پر کھیلے جانے والے کھیلوں کا میلہ جاری تھا۔
عینی شاہدین کے مطابق کے مطابق اسرائیلی فو ج کی بھاری نفری اسٹیڈیم میں داخل ہوئی اور چاروں اطراف میں پھیلنے کے بعد اسٹیڈیم میں توڑ پھوڑ شروع کردی۔اس موقع پر تذلیل آمیز سلوک کرتے ہوئے وہاں موجود تماشائیوں کو اسٹیڈیم سے جبری طور پر باہر جانے کے لیے مجبور کیا گیا جبکہ کھیلوں کے مقابلے میں شرکت کرنے والے متعدد فلسطینی کھلاڑیوں کو حراست میں لے لیا گیا۔