اسرائیلی فوجی اپنے کیمپ میں پراسرار طورپر شدید زخمی ہوگیا

(روز نامہ قدس ۔آنلائن خبر رساں ادارہ ) اسرائیلی فوج کا ایک اہلکار اپنے کیمپ میں پراسرارطورپرنامعلوم سمت سے آنے والے پتھر کی ضرب سے شدید زخمی ہوگیا۔

فلسطین پر قابض صیہونی فوج کے ترجمان  نے بتایا ہے کہ  نامعلوم سمت سے آنے والے پتھرکی ضرب سے زخمی ہونے والے سپاہی کی حالت تشویشناک ہے ، خون زیادہ بہہ جانے اور زخم گہرا ہونے کی وجہ سے سپاہی کی جان کو خطرہ ہے، انھوں نے بتایا کہ سپاہی کے زخمی ہونے کی تحقیقات کی جارہی ہیں، ترجمان نے بتایا کہ فو ج سنجیدگی سے اس کی تحقیقات کرے گی کہ کیا واقعی کوئی نامعلوم سمت سے آنیوالے پتھر سے زخمی ہوا ہے یا یہ آپس میں ہونے والے کسی مذاق کا سنگین نتیجہ ہے  انھوں نے بتایا کہ ایساہی ایک وقعہ 2018 میں پیش آیا تھا جب فوجی آپس میں مذاق کررہے تھے اور ایک فوجی کی گن چل جانے سے 20 سالہ سپاہی ہلاک ہوگیا تھا۔