روز نامہ قدس ۔آنلائن خبر رساں ادارہ )قابض یہودی آباد کاروں کی جانب سے مسجد اقصی کی بے حرمتی کرنےکا سلسلہ رک نہ سکا۔گزشتہ روزجمعے کودرجنوں کی تعداد میں یہودی آباد کار اسرائیلی وزیر زراعت کی سربراہی میں مسجد میں گھس آئے۔
تفصیلات کے مطابق اسرائیلی آباد کاروں کی جانب سے مسجد اقصی کی بے حرمتی کا سلسلہ جاری ہے۔گزشتہ روز بھی متعدد یہودی آباد کار صہیونی فوج اور پولیس کی سرپرستی میں مسجد کے احاطے میں داخل ہو گئے اور دندناتے رہے۔ان یہودی آباد کاروں کی سرپرستی اسرائیلی وزیر زراعت اوری اریل کر رہے تھے۔
ذرائع کے مطابق یہودی آباد کاروں کی آمد کے فوری بعد مسجد اقصی کے متولی اور گارڈذ فوری طور پر مسجد میں پھیل گئے تاکہ یہودی آباد کاروں کو کسی بھی قسم کی شر انگیزی سے روکا جا سکے۔
یاد رہے کہ مذہبی عبادات کی آڑ میں مسجد اقصی پر آئے روز دھاوا بولنا اور اس کاتقدس پامال کرنا یہودی آباد کاروں کا وطیرہ بن چکا ہے او ر اسرائیلی فوج ان کی مکمل سرپرستی کے لیے ان کے ہمراہ موجود ہوتی ہے۔
اسرائیلی آباد کاروں کے مسجد پر دھاوے کے وقت وہاں موجود مسلمان عبادت گزاروں کو سیکورٹی کے نام پر شدید حراساں کیا جاتاہے اور انکو ایک جگہ پر محصور کردیا جاتا ہے ااور جب تک یہودی آباد کار مسجد میں موجود رہتے ہیں،مسلمان عبادت گزاروں کو اپنی جگہ سے ہلنے تک کی اجازت نہیں ہوتی۔