فلسطینی علماء کونسل کے سربراہ الشیخ حامد بیتاوی نے کہا ہے کہ مسجد اقصیٰ سے چند قدموں کے فاصلے پر یہودی معبد کی تعمیر اسرائیل کی تباہی کی بنیاد ثابت ہو گا۔
انہوں نے اپنے ایک اخباری بیان میںکہا کہ مسجد اقصیٰ کے خلاف اسرائیلی کارروائیاں رکنے کو نہیں آ رہیں۔صہیونی حکومت مسجد اقصیٰ اور دیگر اسلامی مقدسات پر پے درپے حملے کر رہا ہے۔
انہوں نے کہا کہ فلسطینی عوام اسرائیلی جارحیت کا منہ توڑ جواب دے گی۔ دشمن مذاکرات کی زبان نہیں سمجھتا ۔ امت مسلمہ کو صرف مزاحمت کا راستہ اختیار کرنا ہو گا۔
الشیخ حامد بیتاوی نے فلسطینی اتھارٹی سے اسرائیل سے مذاکرات روکنے کا مطالبہ کیا۔ انہوں نے کہا کہ فلسطینی اتھارٹی کو دشمن سے تعاون ختم کر دینا چاہیے۔ فلسطینی جماعتوں کو اسرائیل کے خلاف مزاحمت کیلیے متحد ہونا چاہیے۔