فلسطینی شہرالخلیل میں چند روز قبل غاصب یہودیوں کے فوج کی موجودگی میں ایک فلسطینی نوجوان پر تشدد کے باعث شہادت کی ویڈیو جاری کی گئی ہے. ویڈیو میں دکھایا گیا ہے کہ یہودی آبادکاروں نے فلسطینی شہری کو حراست میں لینے کے بعد بہیمانہ تشدد کا نشانہ بنایا. بدترین تشدد کے بعد اس کی حالت غیر ہونے پر اس کے جسم میں قریب سے گولیاں ماری گئیں. تین گولیاں اس کے پیٹ میں جبکہ ایک سر میں ماری گئی جس کے باعث مجروح فلسطینی کی شہادت واقع ہو گئی. دوسری جانب صہیونی فوجیوں کا کہنا ہے کہ 19 سالہ عدی بن قداس نامی فلسطینی نوجوان کی شہادت اس وقت ہوئی جب وہ اپنے ہمراہ چند دیگر لڑکوں کے ساتھ یہودیوں کی گاڑیوں پر پتھراٶ کرنے لگا. پتھراٶ کے دوران یہودی آبادکاروں نے ان لڑکوں کا تعاقب کیا جس پر مقتول نے یہودی آبادکاروں پر فائرنگ کر دی. یہودیوں کی جوابی فائرنگ میں فلسطینی نوجوان جاں بحق ہوا ہے.