مقبوضہ فلسطین میں اسلامی عیسائی کمیٹی کے جنرل سیکرٹری ڈاکٹر حسن خاطر نے واضح کیا ہے کہ اسرائیلی حکومت نے مقبوضہ بیت المقدس کے فلسطینی شہریوں کا جینا حرام کردیا-
انہیں ہر طرف سے گھیرے میں لیا جارہا ہے- انہیں گھروں کی تعمیر اور ان کی مرمت کرنے کی اجازت نہیں- فلسطینی شہریوں کی زمینیں غصب کر کے یہودیوں کو دی جارہی ہیں
–
ڈاکٹر حسن خاطر نے اخباری بیان میں کہا کہ اسرائیلی کارروائیاں بے مقصد نہیں ہیں بلکہ ان کارروائیوں کا مقصد اس سازش کو پایہ تکمیل تک پہنچانا ہے جو مقبوضہ بیت المقدس کو یہودیانے کے لیے کی جارہی ہے-
اسرائیلی حکومت نے ’’تورانی باغات‘‘ کا منصوبہ بنایا ہے جو انتہائی خطرناک ہے اس منصوبے کی آڑ میں فلسطینیوں کی زمینوں کو ہتھیایا جائے گا-