فلسطینی حکومت کے ترجمان طا ہر نونونے اپنے ایک بیان میں کہا ہے کہ عباس انتظامیہ کی طرف سے اسرائیل کے ساتھ مذاکرات کا نتیجہ اس کے سوا کچھ نہیں نکلے گا کہ ان مذاکرات سے اسرائیل اپنے جرائم کو چھپانے کی کوششوں میں کسی حد تک کامیاب ہوگا اور عباس انتظامیہ نے اسرائیل کو یہ مو قع فراہم کیا ہے۔
ایک ٹی وی انٹرویو میں نونو نے کہا کہ اسرائیل فلسطینیوں کی زمینوں پر آبادکاروں کیلئے رہائشی کا لونیاں تعمیر کر رہا ہے اور فلسطینیوں کے خلاف سنگین جرائم میں ملوث ہے۔ ان سب جرائم اور زیادتیوں کا علاج مزاحمت اور اسرائیلی مصنوعات کے بائیکاٹ سے ہی ممکن ہے۔
ترجمان نے عباس انتظامیہ اور عرب لیگ کے مذاکرات بحال کرنے کے فیصلے کو کالعدم کرنے کی اپیل کرتے ہوئے کہا کہ وہ ان بے مقصد مذاکرات کے بجائے فلسطینی جدوجہد کا ساتھ دیں۔ ترجمان نے واضح کیا کہ غزہ محاصرے سے اسرائیل اپنے مقاصد حاصل نہیں کرسکا کیونکہ حماس حکومت بھی اپنی جگہ کام کر رہی ہے اور لوگ بھی مسلسل اس کا ساتھ بھی دے رہے ہیں۔
نونونے واضح کیا کہ حماس حکومت کی حمایت میں روز بروز اضافہ ہو رہا ہے اور عوام کے مزاحمتی سوچ بھی کوئی کمی نہیں آ رہی ہے