فلسطینی اسیر رہائی کے فوراً بعد مسجد اقصی پہنچ گیا

اسرائیلی عقوبت خانوں سے بیس سال کے بعد رہائی پانے والا فلسطینی اسیر علی شلالاہ رہائی کے فوری بعد مسجد اقصی پہنچ گیا- فلسطینی پرزنرز کلب کے مطابق علی شلالاہ نے رہائی کے بعد اپنے گھر کا رخ کرنے سے قبل مسجد اقصی جانے پر اصرار کیا- ان کا کہنا تھا کہ وہ اپنے گھر جانے سے قبل مسجد اقصی کا معانقہ اور وہاں دو رکعت نماز ادا کرنا چاہتا ہے- مسجد اقصی میں نماز پڑھنے کے بعد علی شلالاہ نے اپنی خوشی کا اظہار کرتے ہوئے کہا کہ میں اپنی خوشی کا اظہار الفاظ میں نہیں کرسکتا- پرزنرز کلب کے متعلق علی شلالاہ کو قابض اسرائیلی فوج نے 1989ء میں اسرائیل کے خلاف مزاحمت کے الزام میں گرفتار کیا- اس کے بعد انہیں ایک جیل سے دوسری جیل منتقل کیا جاتا رہا-