عبرانی زبان میں شائع ہونے والے اخبار معاریف نے انکشاف کیا ہے کہ صہیونی ریاست کے صدر شمعون پیریز ان دنوں انتہائی شدید صدمے سے دوچار ہیں جس کی وجہ عالمی برادری میں اسرائیل کی گرتی ساکھ اور سیاسی ہزیمت ہے۔ بالخصوص دو ہفتے قبل فریڈم فلوٹیلا پر اسرائیلی حملے کے بعد دنیا بھر کی ملامت نے پیریز کو پریشان کر کے رکھ دیا ہے۔ اخبار نے اسرائیلی صدر کے قریبی ذرائع کے حوالے سے کہا ہے کہ شمعون پیریز حالیہ دنوں انتہائی شدید صدمے سے دوچار ہیں۔ وہ اقوام عالم میں اسرائیل کو درپیش ہزیمت کی وجہ سے اسرائیلی مستقل کو شدید خطرے میں دیکھ رہے ہیں۔ ذرائع کے مطابق انہیں خوف ہے کہ عالمی برادری کہیں اسرائیل پر اقتصادی پابندیاں نہ لگا دے۔ ذرائع کا کہنا ہے کہ پیریز کی نفسیاتی حالت انتہائی کمزور ہو چکی ہے جس کا سبب دنیا بھر میں اسرائیل کی بدنامی ہے۔ بالخصوص اسرائیلی بحریہ کی جانب سے ترکی کے بحری امدادی جہاز پر حملے نے اسرائیل کو دنیا بھر ذلیل کردیا ہے جس کا اسرائیل کو عالمی سطح پر شدید نقصان ہوا ہے۔ اخبار کے مطابق اسرائیلی صدر اپنی ملک کی گرتی ساکھ کو بچانے کے لیے قومی حکومت بنانے پر بھی غور کررہے ہیں ۔