ایران کی فلم انڈسٹری نے غزہ کی اسرائیل کے ہاتھوں پانچ سال سے جاری معاشی ناکہ بندی، اس کےفلسطینی معاشرے پر پڑنے والےمضر اثرات اور فلسطینی تحریک مزاحمت سے متعلق منفرد نوعیت کی دستاویزی فلم تیار کرنے کا اعلان کیا ہے. ایرانی خبر رساں ایجسنی "فارس” کے مطابق فلم کی شوٹنگ اگلے ماہ شروع ہو گی جبکہ اس کے لیے ہدایت کاری کے فرائض اسماعیل رحیم زادہ اور اسد مجتبیٰ بور ادا کریں گے جبکہ عزت اللہ جامعی اس کے پروڈیوسر ہوں گے. خبررساں ایجنسی نے فلم کے پروڈیوسر عزت اللہ جامعی کے حوالےسے اپنی رپورٹ میں کہا ہے کہ غزہ کی معاشی ناکہ بندی اور فلسطینی تحریک مزاحمت کی ایک ساتھ فلم کی تیاری ایک حساس اور مشکل مسئلہ ہے تاہم اس بہتر انداز میں پیش کرنے کے لیے فنی ماہرین کی خدمات حاصل کی جائیں گی جس پر اگلے چند ہفتوں کے دوران کام شروع ہو جائے گا. فلم کے پروڈیوسر کا مزید کہنا ہے کہ فلم کی تیاری کے حوالے سے دو ماہر ڈائریکٹرکی خدمات اس لیے لی جا رہی ہیں تاکہ فلم کو عالمی معیار لوگوں کی دلچسپی کے مطابق تیار کیا جا سکے.