اسرائیل کے ساتھ معاشی بائیکاٹ کرنا ایک دینی فریضہ ہے: اردن کے معرف علماء کا فتویٰ

اردن کے علماء نے ایک فتویٰ جاری کیا ہے جس کی رو سے اسرائیلی مصنوعات کا بائیکاٹ ایک مذھبی فریضے کی حیثیت اختیار کرچکا ہے۔

فتویٰ پر 50 معروف علماء دین ،جن میں اوقاف کے سابق مرکزی وزیر ابراہیم الکیلانی بھی شامل ہیںکے دستخط ہیں۔ فتویٰ میں کہا گیا ہے کہ صہیونیوں اور ان کے حمایتی ممالک اور اداروں کے ساتھ مکمل بائیکاٹ ایک مذھبی فریضہ کی حیثیت اختیار کرچکا ہے۔

علماء نے کہا ہے کہ اسرائیل کے ساتھ کسی بھی قسم کا معاشی تعلق نہ رکھا جائے اور یہ عمل جہاد کے زمرے میں آتی ہے اور اگر اس پر عمل نہیں کیا گیا تو یہ بہت بڑا گناہ قرار پائے گا۔

فتویٰ میں کہا گیا ہے کہ دشمن نے پہلے سے ہی غزہ،عراق اور دیگر مقات پر مسلمانوں کے ساتھ معاشی بائیکاٹ کا راستہ اختیار کیا ہے،اس لئے مسلمانوں کو بھی اسی طرح کا طریقہ اختیار کرنا پڑے گا۔