فلسطین میں اسرائیلی قبضے کے خلاف سرگرم تنظیم جہاد اسلامی نے خبردار کیا ہے کہ اسرائیل غزہ پر ایک بار پھر حملے کی تیاری کر رہا ہے. تنظیم نے اسرائیل کو متنبہ کیا ہےکہ اگر اس نے غزہ کی پٹی میں فوج کشی کی حماقت کی تو غزہ اسرائیلی فوج کا قبرستان ثابت ہو گا.
لبنان کے دارلحکومت بیروت میں ایک تقریب سے خطاب کرتے ہوئے جہاد اسلامی کے مرکزی رہ نما اور ترجمان الحاج ابوسامر موسیٰ نے کہا کہ”ہم دیکھ رہے ہیں کہ اسرائیل غزہ کی پٹی پر جنگ کی تیاریوں میں مصروف ہے اور اس کے لیے رہ ہموار کی جا رہی ہے، لیکن قابض دشمن کو ہم خبردار کرتے ہیں کہ اس نے غزہ کی پٹی پر حملہ کیا تو مجاھدین کو پہلے سے زیادہ مضبوط اور ناقابل شکست پائے گا. غزہ پر حملہ اسرائیلی فوج کی موت ثابت ہو گا”.
جہاد اسلامی کےرہ نما کا کہنا اسرائیل دوسال قبل بھی غزہ پر ایک سخت جارحیت کا مرتکب ہو چکا ہے وہ ایک بارغزہ میں بے گناہوں کا خون بہانا چاہتا ہے تاہم یہ اسرائیل کی بھول ہے کہ وہ طاقت اور رعونت کے ذریعے فلسطینیوں کو اپنے سامنے گھٹنے ٹیکنے پر مجبور کر سکے گا.