اسرائیلی قابض حکام نے الخلیل شہر کے جنوبی علاقے مسافر یطا میں پانچ فلسطینی خاندانوں کو بذریعہ نوٹس گھروں کی مسماری سے خبردار کیا ہے۔ نوٹس میں کہا گیا ہے کہ ’’اسرائیلی سول انتظامیہ‘‘ کی اجازت کے بغیر تعمیر کی وجہ سے ان گھروں کو منہدم کر دیا جائے گا لہذا اہل خانہ جلد از جلد گھروں کو خالی کر دیں۔
یہودی آبادکاری کی مزاحمت کے خصوصی ذرائع نے ’’ مرکز اطلاعات فلسطین‘‘ کو بتایا کہ قابض حکام نے پانچ خاندانوں کو نوٹس بھیجے ہیں جس میں کہا گیا ہے وہ جتنا جلدی ممکن ہو اپنی رہائشگاہوں کو چھوڑ کر کہیں اور منتقل ہو جائیں کیونکہ اسرائیلی حکام کی اجازت کے بغیر غیر قانونی طور پر یہاں رہ رہے ہیں۔
ذرائع کے مطابق نوٹس یوسف اسماعیل النجار، عزات جبرائیل النجار، محمد موسی النجار، حاتم موسی جبارین اور اسحاق جبریل کو بھیجے گئے ہیں۔
ذرائع نے کہا کہ اس کارروائی کا مقصد یہ ہے کہ مذکورہ خاندانوں کی زمینوں پر قبضہ کر کے انہیں ایفاجایل، سوسیا اور میٹا یائیر کے قریبی مقبوضہ علاقوں کے ساتھ ملا دیا جائے۔