غزہ کی پٹی کے جنوبی ضلع خان یونس میں دھماکہ خیز مواد کے پھٹنے سے تین فلسطینی نوجوان زخمی ہو گئے ہیں۔ یہ مواد اسرائیلی فوج کی جانب سے نصب کیا گیا تھا۔ فلسطینی میڈیکل سروسز کے ترجمان ادھم ابو سلمیہ نے ’’مرکز اطلاعات فلسطین‘‘ کو بتایا کہ تینوں نوجوانوں کو درمیانے درجے کے زخم آئے ہیں جنہیں جنوبی غزہ کی پٹی کے ناصر ہسپتال منتقل کر دیا گیا ہے۔ انہوں نے بتایا کہ امسال کے آغاز سے اس طرح کے واقعات میں اب تک چار فلسطینی شہید اور 15 زخمی ہو چکے ہیں۔