بغداد (فلسطین نیوز۔مرکز اطلاعات) عالمی یوم قدس کے موقع پر عراقی عوام نے بھی دارالحکومت بغداد سمیت کئی شہروں میں ریلیاں نکالیں اور مظلوم فلسطینی عوام کی حمایت کا اعلان کیا۔
فلسطین نیوز کو موصول ہونے والی اطلاعات کے مطابق مظاہرین نے اپنے ہاتھوں میں عراق اور فلسطین کے پرچم اٹھا رکھے تھے اور وہ سرزمین فلسطین میں اسرائیل کے جارحانہ اور توسیع پسندانہ اقدامات کی مذمت میں نعرے لگا رہے تھے۔بصرہ میں بھی ہزاروں عراقیوں نے یوم قدس کے موقع پر مختلف سڑکوں پر مارچ کیا اور غاصب صیہونی حکومت کے خلاف نعرے لگائے۔
عالمی یوم قدس کے موقع پر ہر سال ایران سمیت دنیا کے مختلف ملکوں میں فلسطینیوں کی حمایت میں ریلیاں نکالی جاتی ہیں اور کانفرنسوں اور سیمناروں کا بھی انعقاد کیا جاتا ہے۔