(فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے شمالی شہر نابلس اور مقبوضہ بیت المقدس سے دو فلسطینی نوجوانوں کو حراست میں لیا ہے جن پر اسرائیلی فوجیوں پر چاقوؤں سے حملوں کی منصوبہ بندی کا الزام عائد کیا گیا ہے۔ صہیونی فوج کا کہنا ہے کہ دونوں فلسطینیوں کے قبضے سے تیز دھار چاقو برآمد کیے گئے ہیں۔
رپورٹ میں بتایا ہے کہ پولیس نے شمالی شمالی بیت المقدس میں شعفاط فلسطینی پناہ گزین کیمپ سے ایک فلسطینی کو حراست میں لیا۔ حراست میں لیے گئے فلسطینی کی عمر 18 سال بتائی جاتی ہے تاہم اس کی مزید شناخت نہیں کی گئی۔ اس کے قبضے سے ایک چاقو برآمد ہوا ہے۔ نیز اس نے دو صہیونی پولیس اہلکاروں پر چاقو سے حملوں کی بھی کوشش کی تھی جسے ناکام بنا دیا گیا۔ حراست میں لیے گئے فلسطینی کو تفتیش کے لیے نامعلوم مقام پر منتقل کردیا گیا ہے۔
ادھر مقبوضہ مغربی کنارے کے شمالی شہر نابلس میں حوارہ کے مقام پر ایک فلسطینی نوجوان کو حراست میں لیا گیا ہے۔ اس کے قبضے سے بھی ایک چاقو برآمد ہوا ہے۔ گرفتاری سے قبل اس نے یہوی فوجیوں پر چاقو سے حملے کی کوشش کی تھی جسے ناکام بنا دیا گیا تھا۔