نابلس – (فلسطین نیوز۔مرکز اطلاعات) صہیونی حکام کی سرکاری سرپرستی میں صہیونی شرپسندوں نے گذشتہ روز مقبوضہ مغربی کنارے کے شمالی شہر نابلس میں فلسطینی شہریوں کے زیتون کے باغات میں گھس کر سیکڑوں پودے چوری کرلیے۔
فلسطین نیوز کو موصول ہونے والی اطلاعات کے مطابق اسرائیل میں انسانی حقوق کے لیے کام کرنے والے سماجی کارکن غسان دغلس نے بتایا کہ ہفتے کے روز صہیونی آباد کاروں نے قریوت کے مقام پر جبریل موسیٰ نامی شہری کے باغ سےÂ زیتون کے 300 پودے چوری کیے۔ادھر نابلس کے جنوبی قصبے عورتا میں صہیونی شرپسندوں نے ایک باغ سے 120Â پودے چوری کرلیے۔
عینی شاہدین کا کہنا ہے کہ صہیونی شرپسند قریب ہی واقع ’یتسھار‘ کالونی سے وہاں آئے تھے۔ خیال رہے کہ یہ پہلا موقع نہیں جب صہیونی آباد کاروں نے غرب اردن میں کسی فلسطینی شہری کے زیتون کے باغ پرحملہ کیا ہے۔ اس طرح کی شرپسندانہ کارروائیاں صہیونی اشرار کا روز کا معمول ہے۔ فلسطینیوں کی جان و مال اور املاک پرحملوں میں انہیں اسرائیلی فوج اور پولیس کی مکمل سرپرستی حاصل رہتی ہے۔