فلسطین نیوز کو موصول ہونے والی اطلاعات کے مطابق الکسوانی نے کہا کہ ہنگامی بنیادوں پر مسجد اقصیٰ میں صفائی کے نظم کو منظم کرنے کے لیے صفائی کےعملے میں اضافہ کیا گیا ہے۔ نمازیوں کی تعداد میں اضافے کے پیش نظر انتظامیہ کی تعداد بھی بڑھائی گئی ہے۔
ایک سوال کے جواب میں عمر الکسوانی کا کہنا تھا کہ ماہ صیام کے دوران دیگر ایام کی نسبت مسجد اقصیٰ میں نمازیوں کا رش غیرمعمولی حد تک بڑھ جاتا ہے۔ نمازیوں اور روزہ داروں کو ہرممکن سہولیات فراہم کرنے کے لیے انتظامی عملے کی تعداد بھی بڑھائی جاتی ہے۔
انہوں نے کہا کہ مسجد اقصیٰ میں صفائی کے عملے میں اضافے کے ساتھ فائر بریگیڈ، ساؤنڈ انتظامیہ، بجلی کے امور کے ذمہہ داران اور دیگر سروسز فراہم کرنے والی کمیٹیوں کو منظم اور فعال بنایا جاتا ہے۔
ماہ صیام میں بھی مختلف ایام اور اوقات میں خصوصی انتظامات کیے جاتے ہیں۔ نماز تراویح، جمعہ کے ایام اور آخری عشرے کے دوران اعتکاف کے موقع پر نمازیوں اور روزہ داروں کو طبی سہولیات سمیت ہرممکن سہولت اور ضرورت مہیا کی جاتی ہے۔