مقبوضہ بیت المقدس – (فلسطین نیوز۔مرکز اطلاعات) صیہونی حکومت کے وزیراعظم نے مشرقی اور وسطی بیت المقدس کے فلسطینیوں کے مکانات مسمار کر دیئے جانے کی ہدایات جاری کر دی ہیں۔
فلسطین نیوز کو موصول ہونے والی اطلاعات کے مطابق صیہونی حکومت کے وزیر اعظم بنیامین نتن یاہو نے فلسطینیوں کے ان مکانات کا کوئی جواز نہ ہونے کا بہانہ بناتے ہوئے ہدایات جاری کی ہیں کہ مقبوضہ بیت المقدس اور النقب کے علاقوں میں فلسطینیوں کے رہائشی مکانات کو مسمار کر دیا جائے۔قابل ذکر ہے کہ سن انّیس سو سڑسٹھ کی جنگ کے بعد غرب اردن اور مشرقی بیت المقدس سمیت فلسطینیوں کے مختلف علاقوں میں دو سو تیس سے زائد بستیاں قائم کر کے پانچ لاکھ سے زائد غاصب صیہونی آباد ہو گئے ہیں۔ یہ ایسی حالت میں ہے کہ جنیوا کنوینشن کی بنیاد پر اقوام متحدہ اور دنیا کے بیشتر ملکوں نے مقبوضہ علاقوں میں صیہونی حکومت کی جانب سے کسی بھی قسم کی تعمیر کو غیر قانونی قرار دیا ہے۔