فلسطینی ماہ صیام کے اختتام سے قبل فطرانہ اور زکواۃ ادا کردیں

(فلسطین نیوز۔مرکز اطلاعات) مسجد اقصیٰ کے امام و خطیب اور ممتاز عالم دین الشیخ عکرمہ صبری نے فلسطینی شہریوں پر زور دیا ہے کہ وہ فطرانہ اور زکواۃ ماہ صیام کے اختتام سے قبل ادا کر دیں تاکہ ضرورت مندوں کو عید کی خوشیوں میں شریک کیا جا سکے۔

فلسطین نیوز کو موصول ہونے والی اطلاعات کے مطابق اپنے ایک بیان میں الشیخ عکرمہ صبری نے کہا ہے کہ اس بات صدقہ فطر 80 شیکل ادا کیا جائے اور فطرانہ کی رقم عید کے ایام سے قبل ہی ادا کر دی جائے۔

انہوں نے کہا کہ صدقہ فطر ہرصاحب استطاعت روزہ دار پر واجب ہے۔ یہ ضرورت مندوں کا ایک قرض ہے جو دوسروں نے ادا کرنا ہوتا ہے۔ انہوں نے مختلف مالیاتی اداروں ، فرموں اور صاحب ثروت شہریوں پر زور دیا کہ وہ ماہ صیام کے دوران ہی زکواۃ بھی ادا کریں۔ تاکہ بے روزگار اور غریب لوگوں کو عید کی خوشیوں میں شامل کیا جا سکے۔