فلسطینی علاقوں پر صیہونی فوجیوں کا حملہ

(فلسطین نیوز۔مرکز اطلاعات) صیہونی فوجیوں نے تحریک انتفاضہ قدس اور فلسطینیوں کی استقامت کو کچلنے کی غرض سے مزید فلسطینیوں کو گرفتار کر لیا۔

فلسطین نیوز کو موصول ہونے والی اطلاعات کے مطابق صیہونی فوجیوں نے جمعرات کو غرب اردن کے مختلف علاقوں منجملہ رام اللہ پر حملہ کر کے کم سے کم تیرہ فلسطینیوں کو گرفتار کرلیا- صیہونی حکومت کی بحریہ نے بھی جمعرات کو غزہ کے شمالی ساحل کے قریب ایک فلسطینی ماہیگیر کو گرفتار کرلیا- ادھر فلسطینی پارلیمنٹ میں ایک سیاسی دھڑے کے رہنما ابراہیم دحبور نے کہا ہے کہ گذشتہ دو عشروں کے دوران یہ بات ثابت ہو چکی ہے کہ صیہونی حکومت کے ساتھ مذاکرات کا کوئی فائدہ نہیں ہے- انہوں نے کہا کہ اب صیہونی غاصبوں کا مقابلہ کرنے کا واحد راستہ جدوجہد ہے۔