غزہ – (فلسطین نیوز۔مرکز اطلاعات) فلسطین کے علاقے غزہ کی پٹی کی ایک 70 سالہ خاتون گذشتہ روز مدینہ منورہ سے وطن واپسی کی تیاری کے دوران اچانک انتقال کرگئیں۔
فلسطین نیوز کو موصول ہونے والی اطلاعات کے مطابق ستر سالہ حاجیہ کامل فروانہ فریضہ حج کی ادائیگی کے بعد روضہ رسول صلی اللہ و علیہ وسلم پر حاضری دینے کے لیے مدینہ منورہ میں تھیں۔ وہ اور دیگر حجاج کرام وطن واپسی کی تیاری کررہے تھے کہ اس دوران کامل فروانہ کی حالت اچانک بگڑ گئی۔ حالت خراب ہونے پر انہیں اسپتال منتقل کیا گیا جہاں وہ Â کچھ ہی دیر بعد چل بسیں۔خیال رہے کہ کامل فروانہ سے قبل غزہ اور بیت المقدس کی دو خواتین حاجی پہلے ہی مکہ مکرمہ میں انتقال کرچکی ہیں۔