غزہ کی شمالی سرحد پر اسرائیل کا پانچ فلسطینیوں کو گولی مارنے کا دعویٰ

غزہ (فلسطین نیوز۔مرکز اطلاعات) اسرائیلی فوج نے دعویٰ کیا ہے کہ غزہ کی مشرقی سرحد پر سیکیورٹی آلات کو خراب کرنے اور سرحدی سیکیورٹی باڑ عبور کاٹنے کی کوشش کرنے والے پانچ فلسطینیوں کو گولیاں ماری گئیں جس کے نتیجے میں وہ زخمی ہوگئے۔

فلسطین نیوز کو موصول ہونے والی اطلاعات کے مطابق اسرائیلی فوج کی طرف سے جاری کردہ ایک بیان میں کہا گیا ہے کہ شمالی غزہ میں فلسطینیوں کا ایک گروپ حفاظتی باڑ کاٹ کر دوسری طرف موجود سیکیورٹی آلات کو خراب کرنے اورانہیں نقصان پہنچانے کی کوشش کررہا تھا۔ اس دوران نشاندہی ہونے پر فوجیوں نے ان فلسطینیوں پر فائرنگ کی۔ فلسطینیوں کی تخریب کاری کی کوشش کے دوران صہیونی سیکیورٹی آلات میں دھماکہ بھی ہوا جس کے نتیجے میں آلات کو شدید نقصان پہنچا ہے۔