ادھر فلسطینی محکمہ صحت کی جانب سے جاری کردہ ایک بیان میں کہا گیا ہے کہ حوارہ چیک پوسٹ پر اسرائیلی فوج کی فائرنگ سے شہید ہونے والے نوجوان کی شناخت رامی عورتانی کے نام سے کی گئی ہے جس کی عمر 31 سال ہے۔
ادھر صہیونی ذرائع ابلاغ نے اپنی رپورٹس میں بتایا گیا ہے کہ نابلس میں ایک چاقو بردار فلسطینی اسرائیلی فوج کی گشتی پارٹی کے قریب قریب اپنے موٹرسائیکل پر جا رہا تھا۔ اس دوران اس نے چاقو سے ایک اسرائیلی فوجی پر حملے کی کوشش کی جس پر فوجیوں نے اس پر فائرنگ کر دی۔
اسرائیلی میڈیا کے مطابق فلسطینی نوجوان کے چاقو کے حملے میں اسرائیلی فوجی محفوظ رہے ہیں، تاہم گولیاں لگنے سے زخمی ہونے والا فلسطینی نوجوان زخموں کی تاب نہ لاتے ہوئے چل بسا۔
فلسطین انفارمیشن سینٹر نے سرکاری اعداد و شمار کے حوالے سے بتایا ہے کہ یکم اکتوبر دو ہزار پندرہ سے جاری صیہونیت مخالف تحریک انتفاضہ قدس کے دوران دو سو تیس سے زائد فلسطینی شہید ہو چکے ہیں۔
اسی مدت کے دوران صیہونی فوجیوں کی فائرنگ میں کم سے کم سولہ ہزار فلسطینی زخمی بھی ہوئے ہیں۔ صہیونی فوجیوں کے مجرمانہ اقدامات کے خلاف جوابی کارروائی کرتے ہوئے فلسطینیوں نے بھی تینتیس صیہونیوں کو ہلاک کیا ہے۔