مقبوضہ بیت المقدس (فلسطین نیوز۔مرکز اطلاعات) اسرائیلی فوج کو فلسطینی مظاہروں کی کوریج کرنے والے صحافیوں پر حملے کی اجازت دے دی گئی ہے تاکہ اسرائیلی مظالم کو دنیا کے سامنے پیش نہ کیا جاسکے۔
فلسطین نیوز کو موصول ہونے والی اطلاعات کے مطابق اسرائیل کے روزنامے ‘ہارٹز’ نے رپورٹ میں بتایا ہے کہ اسرائیلی فوجیوں کو حکم دیا گیا ہے کہ وہ مظاہروں کی کوریج کرنے والے فلسطینی صحافیوں کو تشدد کا نشانہ بنا سکتے ہیں تاکہ وہ اسرائیلی مظالم کا ریکارڈ نہ رکھ سکیں۔اس سے قبل 2012ء میں بھی اپنے افسران کے حکم پر اسرائیلی فوجیوں نے کف قدوم گائوں کے ایک مظاہرے کی کوریج کرنے والے پانچ فلسطینی صحافیوں کو تشدد کا نشانہ بناتے ہوئے ان کا سامان توڑ دیا تھا۔
ان صحافیوں کو خبردار کیا گیا تھا کہ وہ آئندہ کفر قدوم کی حدود میں قدم نہ رکھیں۔
فلسطینی سنٹر برائے ترقی اور آزادی میڈیا کے اعداد و شمار کے مطابق فروری 2018ء کے درمیان اسرائیل نے فلسطینی علاقوں میں 27 مرتبہ میڈیا کے کام میں دخل اندازی کی۔