بیت لحم (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر بیت لحم میں دو ماہ قبل صیہونی آباد کار کی گاڑی کی ٹکر سے زخمی ہونے والا معمر فلسطینی آج سوموار کو زخموں کی تاب نہ لاتے ہوئے دم توڑ گیا۔
فلسطین نیوز کو موصول ہونے والی اطلاعات کے مطابق 65 سالہ عودہ حسین ملش کو ایک صیہونی آباد کار نے اپنی گاڑی کی ٹکر سے دو ماہ قبل زخمی کردیا تھا۔زخمی فلسطینی کو اسپتال منتقل کیا گیا جہاں وہ دو ماہ تک مسلسل موت وحیات کی کشمکش میں رہا۔ بیت لحم میں طبی ذرائع کا کہنا ہے کہ ملش کی جان بچانے کی پوری کوشش کی گئی مگر اس کے زخم اتنے گہرے تھے کہ وہ جاں برنہ ہوسکا۔ وہ مسلسل بے ہوش رہا ہے۔Â گذشتہ شب وہ اسپتال میں دم توڑ گیا۔