الخلیل – (فلسطین نیوز۔مرکز اطلاعات) صہیونی فوج کی جانب سے غنڈہ گردی کا مظاہرہ کرتے ہوئے جیل میں پابند سلاسل فلسطینی اسیر جاد سلطان کی اہلیہ کو اس کے گھر سے حراست میں لینے کے بعد نامعلوم مقام پر منتقل کردیا ہے۔
فلسطین نیوز کو موصول ہونے والی اطلاعات کے مطابق کلب برائے اسیران کی جانب سے جاری کردہ ایک بیان میں کہا گیا ہے کہ جمعہ کے روز قابض فوج نے غرب اردن کے جنوبی شہر الخلیل میں جاد سلطان کے گھر پر چھاپہ مارا اور گھر میں موجود اس کی اہلیہ ارویٰ خالد شاور کو حراست میں لے لیا۔کلب برائے اسیران کے مندوب امجد النجار نے بتایا کہ ارویٰ شاور کی گرفتاری اس کے شوہر کی جاد سلطان کی گرفتاری کے 10 روز بعد عمل میں لائی گئی ہے۔ جاد سلطان اس وقت اسرائیل کی عسقلان جیل میں زیرتفتیش ہیں۔ خیال رہے کہ ارویٰ چھ بچوں کی ماں ہے۔ ماں باپ کی گرفتاری کے باعث بچے غم زدہ ہیں۔ ارویٰ کے اہل خانہ کا کہنا ہے کہ صہیونی فوج نے گرفتاری کے بعد ارویٰ کو نامعلوم مقام پر منتقل کردیا ہے۔ وہ اس کے حوالے سے سخت پریشان ہیں۔